公仔箱論壇 - Powered by Discuz! Board

標題: 張基愛駒冇運影輸！方嘉柏相隔四個月再於沙田建功 [打印本頁]

作者: 02754566 時間: 2016-6-20 01:41 AM 標題: 張基愛駒冇運影輸！方嘉柏相隔四個月再於沙田建功

方嘉柏剛周三谷戰憑「罕曾見」、「川河寶駒」起孖，馬房季內尾輪攻勢正式展開。話口未完，這天佢於沙田日馬第七場三班1400米，以新勝谷草的「傾心星」爆冷再添一Win，馬房戰績持續冒升。
「傾心星」上賽初跑谷草，於1200米由杜利萊開齋，呢次匆出回師田草，再用杜利萊加程出戰1400米，早段留守較後位置，末段恍如飛將軍般從中叠殺上，結果影相以鼻位一條線之微，氣走資深馬評家張基的團體馬「英明勇將」，三歲馬「傾心星」成功連捷，單Win及組合獨贏A3分別派162.5及30元。可憐「英明勇將」末段一度突圍睇落贏得，過終點時亦以為牠影贏，豈料影相結果出來只得第二。
方嘉柏對上一次贏沙田已是2月28日「萬馬飛騰」，至今接近四個月，「傾心星」為他重開沙田勝門，亦成為方廐季內第三匹連勝馬，之前兩匹分別為「南華勇將」及「勢必跑」。
今場二至四名都係有飛馬甚至大熱門，分別為「英明勇將」、「友瑩勢」及「美麗皇者」，三駒騎師柏寶、潘頓及何澤堯都係方廐慣用的出擊騎師，賽果可謂大團圓結局，四重彩派五萬一千幾。三T正獎落空，中頭兩關可收八萬六千幾蚊安慰獎。

歡迎光臨公仔箱論壇 (http://www3.tvboxnow.com/)