標題:
真人Show : 我要做Model！！
[打印本頁]
作者:
~嘉~
時間:
2008-9-30 03:46 AM
標題:
真人Show : 我要做Model！！
Helen Tang 19歲
職業：全職model
自小發明星夢、渴望做model的Helen，中五會考成績欠佳，決定不再升學，並send相到不同model公司自薦，誰知就此墮入被騙財之局，但這次教訓令她學懂分辨真假，後來更進入真正的模特兒公司，行catwalk、出show，已有一年全職模特兒經驗。13-08-07俾人呃好對唔住媽me呀！
已經一個月啦，我諗我同媽me俾人呃！上個月去xx（我驚佢找我晦氣呀，所以用xx代替！）應徵做model，仲帶埋媽me一齊去，以為有佢就唔使驚啦！點知……
仲記得歡天喜地上到去casting，擺pose影幾張相，工作人員都話我好有potential，不過就要train，佢話個course要一萬蚊學費，當中包括化妝、catwalk等等，但如果我每次接job，一個鐘都會有$800，話好快賺得番啦！結果媽me同我都信到十足，一萬蚊就咁飛走。
就算上幾堂，我都覺得佢好專業冇乜唔妥，直至上網睇先發現原來好多人都已經俾間公司呃，呢一個月全無聲氣，打畀佢問有冇job，佢仲好惡咁鬧番我，真係對唔住媽me！
今次之後，我不斷上網同睇雜誌，check清楚邊間係真正model公司先send resume去，呢個教訓，真係好貴呀！
12-09-07脫毛毛大出血
上星期終於有model公司同我簽約，好開心呀！原來真model公司真係完全唔收錢！不過印com咭就要自己出錢，老闆娘Shannon會免費教我化妝同行catwalk，佢又醒做modeltips，好似出outdoor一定要帶蚊怕水呀，最後佢又好嚴肅咁講，做model有三大鐵則，就係準時、準時同準時呀！
雖然model公司唔使收錢，但要keep住個樣，我就的起心肝用畢生積蓄走去做超聲波抽脂、激光脫毛同骨膠原增生療程。初頭我以為抽脂同脫毛都會好痛，但又冇乜喎，反而「骨膠原增生」facial療程就真要搵針落塊面刺激面部皮膚生長，反而會痛！
10-10-07好多第一次好緊張呀！
今日係我咁大個以好多第一次呀！第一次拍commerical、第一次企足三粒鐘、亦都係第一次俾人噴口水呀！
事緣今次接拍某個大牌子口罩廣告，個廣告內容係講一個男仔大傷風，唔小心打個「大噴嚏」落我塊面度，但因為我戴口罩，所以冇俾佢傳染。拍攝時攝影師叫個男model真係向住我塊面打噴嚏，話咁樣先夠逼真喎！嘩~~~~~~~~我好驚佢口水噴到我呀！好彩最後都冇事！
所以話，做model唔係齋影兩張靚相就有錢收，我辛苦都係不為外人道~~嗚嗚嗚！
02-03-08鹹濕電車男出現
今日去做某個婚紗展，要promote婚宴package，企成日真係好，不過一連做幾日可以賺多錢，見到人對我婚紗評語都好好，好開心。不過影影，就有一班外形似電車男物體出現，佢唔係淨係影你個樣，有人會將部相機擺到好高咁去影你胸前走光相，或者低影你裙底，一開始時得一兩個，跟住佢就狂打手機急call其他「兄弟」落，最後成大群咁衝過影，好變態！好彩我一早打定底。事後同其他model傾開，佢話呢專出影model人叫「龍友」，都有分好與壞，我咁撞到班鹹濕，算唔好彩啦！
Blog友回應
Shannonmodel公司老闆
第一次見你，覺得你係個好天真活潑小妹妹，不過casting好淡定，對答又得體，最緊要係竟然早成15分鐘上，呢樣好難得！希望你工作都係咁準時，繼續keep住！努力！
媽me
雖然你開頭唔係咁順利，我知你為我唔見錢好內疚，算啦，我同你都上寶貴一課。我見到你正式成為model後咁開心，識到咁多新朋友，諗又大個女，仲第一次畀家用我，我真係好開心！呢錢（現金）我唔捨得用，會一路keep住佢。
下期預告
好快Helen已經做一年model，下集將會講佢行catwalk後台脫清光，之後冇job接屋企坐冷板凳，仲要同男朋友嗌大交，傷心欲絕，一直支持佢媽me會唔會呢個時候離棄佢呢？
歡迎光臨 公仔箱論壇 (http://www3.tvboxnow.com/)
Powered by Discuz! 7.0.0
