標題:
Honda Odyssey 3 重 4 得
[打印本頁]
作者:
nt1972
時間:
2009-5-21 08:19 AM
標題:
Honda Odyssey 3 重 4 得
古 代 中 國 女 人 ， 美 德 係 要 「 三 從 四 德 」 ， 今 日 全 新 Honda Odyssey 一 樣 咁有 美 德 ， 不 過 就 係 「 三 重 四 得 」 。 「 重 」 ， 重 要 個 「 重 」 ， 第 四 代 Odyssey 、 重 長、 重 幼 、 重 友 ； 講 到 「 得 」 ， 咪 就 係 慳 得 、 砌 得 、 威 得 同 改 得 囉 。 等 我 哋 一 齊 解 構吓 呢 種 咁 多 層 次 嘅 美 德 啦 ！
三 重 人 人 寵
全 新 四 代 Odyssey ， 最 突 出 嘅 性 格 ， 係 對 上 得 你 車 嘅 一 眾 親 朋 好 友 尤 為 重 視 。 較 上一 代 略 為 收 身 ， 車 身 增 長 30mm 及 降 低 5mm ， 長 度 增 加 內 櫳 自 然 大 咗 ， 增 加 嘅 空 間則 全 數 受 惠 於 後 排 ， 於 是 你 嘅 男 女 老 幼 乘 客 ， 都 坐 得 更 舒 服 。 而 低 地 台 又 方 便 咗 老人 家 同 小 朋 友 上 落 ， 出 入 後 排 更 可 以 「 不 求 人 」 ， 因 為 中 排 椅 背 下 設 有 腳 踏 ， 後 排乘 客 一 踩 腳 踏 便 可 以 輕 易 推 動 中 排 座 椅 ， 只 靠 自 己 都 一 樣 落 到 車 。
■ 設 有 後 泊 鏡 頭 ， 體 貼 埋 司 機 。
■ 加 埋 個 天 窗 ， 坐 足 七 人 都 空 間 感 十 足 。
a.3 Zone 冷 氣 出 風 口 ， 三 排 都 咁 舒 服 。
b. 內 櫳 各 處 用 上 桃 木 紋 飾 面 谷 貴 氣 。
c. 軚 環 兩 邊 都 設 操 控 按 鈕 。
d. 後 排 乘 客 可 踩 腳 掣 推 開 中 排 落 車 。
e. 胎 軨 嘅 星 形 襯 裙 邊 型 號 標 章 ， 型 格 都 有 埋 。
■ 一 個 按 鈕 即 可 控 制 後 排 座 椅 嘅 開 合 。
四 得 實 用 慳 家
話 全 新 四 代 Odyssey 慳 得 砌 得 威 得 改 得 一 點 也 不 誇 張 ， 車 身 採 用 全 新 調 校 過 嘅 2.4公 升 i-VTEC 引 擎 ， 導 入 智 能 轉 向 控 制 系 統 ， 遇 濕 滑 路 面 或 高 速 失 控 時 自 動 介 入 以穩 定 車 身 ， 令 行 車 更 穩 定 ， 操 控 更 易 。 降 低 車 身 令 重 心 更 低 ， 入 彎 更 穩 定 。 高 性 能更 係 成 為 車 迷 改 裝 熱 選 嘅 原 因 之 一 ， 當 然 亦 都 好 砌 得 ， 新 車 新 偈 亦 較 以 往 節 省 5%油 耗 量 ！
新車 外 觀 亦 有 所 修 飾 ， 新 式 頭 唇 鬼 面 罩 及 頭 燈 組 令 車 頭 更 惡 更 有 精 神 ， 尾 燈 組 設 計 亦作 了 細 微 改 動 ， 加 上 香 港 獨 有 鍍 邊 尾 門 設 計 ， 扮 足 型 仔 長 陣 房 跑 。 外 形 唔 老 套 又 夠台 型 ， 載 住 成 班 朋 友 一 齊 出 動 去 蒲 去 威 一 啲 都 唔 失 禮 ， 誇 啲 用 佢 搬 屋 載 貨 ， 收 起 後排 可 騰 出 708 公 升 載 貨 容 積 ， 實 用 到 你 唔 信 。 懶 型 又 或 者 係 可 以 偷 懶 都 好 ， 電 動 後排 真 係 幫 唔 少 忙 ， 一 隻 手 指 篤 個 掣 ， 即 可 完 全 收 納 或 者 還 原 後 排 座 椅 ， 唔 使 係 大 隻男 都 可 以 操 控 自 如 。 樣 樣 得 ， 仲 唔 係 犀 利 過 古 代 德 行 美 人 ？
規 格
引 擎 ： 2,354cc 直 四 i-VTEC
馬 力 ： 180hp/6,500rpm
扭 力 ： 22.2kgm/4,500rpm
傳 動 ： 五 前 速 自 動 波
售 價 ： 待 定
歡迎光臨 公仔箱論壇 (http://www3.tvboxnow.com/)
Powered by Discuz! 7.0.0
