Board logo

標題: 大阪實試20秒開篷Lexus IS250C迎和風 [打印本頁]
作者: nt1972    時間: 2009-5-29 08:11 AM     標題: 大阪實試20秒開篷Lexus IS250C迎和風

喺 大 阪 揸 最 新 凌 志 IS250C ， 感 受 同 香 港 揸 開 篷 車 遊 車 河 ，真 係 兩 碼 子 事 ； 空 氣 清 爽 唔 翳 焗 ， 沿 途 無 高 樓 大 廈 工 廠 廢 氣 ， 藍 天 白 雲 個 個 禮 讓 ，心 情 好 到 不 得 了 ！ 儘 管 IS250C 有 成 208 匹 馬 力 ， 你 都 唔 忍 心 踩 大 油 、 轟 轟 聲 破 壞周 遭 寧 靜 和 式 情 調 ， 要 試 真 章 ， 都 係 留 番 上 高 速 先 玩 。

C for What ？
大 家 或 者 會 問 Lexus 早 年 已 經 推 出 過 開 篷 車 ， 呢 部 IS250C 又 點 會 係 首 部 呢 ， 係， 品 牌 旗 下 繼 SC 之 後 應 該 係 第 二 部 ， 集 團 旗 下 加 埋 Daihatsu Copen 就 變 成 第 三 部㖭 ！ 之 但 係 作 為 暢 銷 IS 車 系 而 言 ， 就 絕 對 係 車 系 中 首 部 雙 門 四 座 開 篷 車 嘞 ！ 新 車雖 命 名 為 IS250C ， 但 呢 個 「 C 」 唔 係 大 家 固 有 認 知 嘅 Coupe 又 或 者 Cabriolet 硬頂 開 篷 意 思 ， 「 C 」 係 Capturing Attention 咁 解 （ 搶 眼 ） ， 咁 又 真 係 估 佢 唔 到 喎。

開 篷 吸 新 鮮 空 氣
是 次 大 阪 實 試 呢 部 全 新 IS250C ， 停 泊 於 白 雪 雪 仿 古 建 築 門 前 ， 加 上 綠 油 油 一 片草 地 ， 呢 團 紅 熾 熾 新 車 話 唔 搶 眼 至 出 奇 ！ 雙 門 四 座 開 篷 車 型 ， 以 三 段 式 鋁 合 金 質 料打 造 成 電 動 硬 頂 ， 只 係 按 個 掣 ， 敞 篷 即 電 動 開 合 ， 配 合 設 計 師 特 製 制 動 組 件 ， 令 硬頂 收 合 時 ， 與 擋 風 玻 璃 框 架 接 合 更 快 更 緊 密 ， 機 械 組 件 形 態 順 暢 利 落 ， 型 ！ 20 秒就 可 以 完 成 開 或 合 之 動 作 。 揸 住 開 篷 車 出 巡 ， 尤 其 喺 乾 淨 企 理 兼 臨 海 嘅 東 洋 街 頭 ，絕 對 係 賞 心 樂 事 ， 視 野 無 遮 無 擋 又 開 揚 ， 微 風 送 爽 ， 吸 啖 空 氣 都 清 新 啲 。 車 廂 空 調更 會 自 行 因 應 車 頂 開 合 狀 態 而 自 動 開 關 ， 音 響 系 統 亦 會 自 行 調 節 ， 你 只 須 專 心 揸 車就 得 ， 都 咪 話 唔 細 心 體 貼 。 行 經 大 阪 市 內 小 區 停 下 時 ， 連 散 步 狗 狗 都 被 呢 架 紅 火 球吸 引 ， 主 人 拉 極 都 唔 肯 走 ， 可 能 佢 都 知 呢 架 係 好 嘢 。

稍 嫌 操 控 反 應 不 及 舊 款IS250 般 靈 敏 ， 起 步 反 應 略 慢 ， 轉 用 加 減 波 箱 提 高 轉 數 ， 反 應 才 變 得 直 接 靈 敏 ， 加速 更 快 更 爽 ， 一 個 D 波 揸 晒 真 係 嘥 咗 架 IS250C 。 之 後 試 坐 後 座 ， 雖 然 軟 熟 舒 服 ，頭 枕 又 啱 位 啱 角 度 ， 不 過 比 前 排 更 為 食 風 ， 長 髮 者 唔 使 講 嘢 ， 淨 唱 《 頭 髮 亂 了 》 算啦 。




■ 加 長 50mm 以 增 加 尾 箱 容 積 ， 仲 有 新 式 LED 尾 燈 及 一 體 式 尾 擾 流 煞 車 燈 。


■ 多 輻 式 17 吋 輪 圈 ， 外 形 不 俗 亦 為 行 車 提 供 十 足 穩 定 性 。


■ 開 住 篷 ， 空 氣 清 新 視 野 廣 ， 咁 樣 至 叫 做 遊 車 河 ， 仲 係 爽 遊 。


■ 三 段 式 鋁 合 金 篷 頂 ， 大 大 幅 卻 能 在 20 秒 內 完 成 收 合 。

硬 頂 嘆 寧 靜
試 完 開 篷 ， 跟 手 將 IS250C 變 番 做 硬 頂 轎 跑 車 ， 雙 門 圓 渾 車 身 流 線 ， 造 就 車 身 風阻 低 至 0.29Cd ， 不 俗 。 關 篷 後 車 廂 風 噪 近 似 隔 絕 ， 引 擎 亦 唔 會 過 度 震 動 嘈 吵 ， 最正 係 不 若 一 般 2+2 車 款 ， IS250C 擁 有 四 個 真 正 獨 立 皮 座 ， 坐 邊 個 位 都 一 樣 咁 舒 服寬 敞 ， 外 母 或 朋 友 絕 不 會 詐 型 。 加 上 前 座 採 用 輕 觸 式 自 動 滑 前 及 摺 合 椅 背 設 計 ， 配合 比 IS250 長 300mm 嘅 車 門 ， 上 落 更 為 方 便 ， 自 問 真 係 第 一 次 坐 雙 門 車 感 覺 咁 良 好。 閂 篷 後 更 能 感 受 新 車 性 能 ， 採 用 2.5 公 升 V6 引 擎 ， 馬 力 輸 出 達 208 匹 ， 配 合 六前 速 加 減 波 箱 ， 性 能 強 而 油 耗 低 ， 果 然 不 損 IS 喺 凌 志 中 嘅 跑 車 地 位 。


■ 中 控 台 設 計 一 貫 IS 風 格 ， 無 乜 突 破 ， 勝 在 功 能 多 多 。


■ 多 項 主 動 、 被 動 式 安 全 裝 備 ， 開 篷 車 最 重 要 。


■ 開 篷 時 尾 箱 放 到 Golf 袋 ， 閂 篷 後 容 積 更 係 大 得 嚇 人 。



Profile
引 擎 ： 2,500cc V6
馬 力 ： 208ps/6,400rpm
扭 力 ： 252Nm/4,800rpm
傳 動 ： 六 前 速 自 動 波
售 價 ： 約 $490,000



歡迎光臨 公仔箱論壇 (http://www3.tvboxnow.com/) Powered by Discuz! 7.0.0