公仔箱論壇 - Powered by Discuz! Board

標題: Kawasaki VN1700 Voyager ABS富豪級巨霸 [打印本頁]

作者: nt1972 時間: 2009-6-29 08:09 AM 標題: Kawasaki VN1700 Voyager ABS富豪級巨霸

女士們對唔住，唔係性別歧視，但要一位嬌滴滴嘅女士騎住呢架巨無霸，真係十萬個唔襯，而且睇見都為佢擔心，怕佢唔小心會俾呢隻2.5米長嘅巨無霸砸親變奇聞。不過，又難怪唔少女士依然對佢眼甘甘，皆因佢嘅超級富貴格局，有齊六前速同 ABS，就連可接iPod嘅音響等奢華配備都應有盡有，試問女人點會唔俾佢吸引。

■ VN1700是 Kawasaki首部用 LED尾燈嘅 V2巡航車。

一睇就知， Kawasaki VN1700 Voyager係主攻美國市場嘅豪華作品，亦係川崎嘅第一輛豪華V-Twin美式電單車。全車由頭到尾都予人巨無霸嘅感覺。巨型風擋仲有誇張車頭燈，車身大包圍向兩邊橫伸。巨型乘客座位加三個行李箱，最有神髓係車尾支天線……充份演繹出美式巡航車 Fans所認同嘅美態。

特級豪華撼哈利
擺明硬撼哈利， Size梗要有番咁上下。 2.5米以上嘅巨大車身，展現帝王氣勢，頭燈加圓形霧燈設計，感覺凶悍。而車身則非常流線，再利用 Twotone配色，營造出豪華休閒感。配備可以話係呢部電單車嘅另一賣點， VN1700身上可搵到日系美式電單車身上首次出現嘅 ABS系統，Kawasaki稱為 K-ACT，呢套系統可透過電腦分析行車數據決定前後輪嘅ABS輔助力，對於操控車身沉重嘅美式電單車有好大幫助。而六前速波箱及定速巡航系統亦係優勝之處。以 VN 2000嘅引擎為基礎而開發嘅1,700cc新 V缸水冷引擎，排氣量雖只比 VN1600多 150cc左右，但扭力卻多出 15%。1,700cc嘅排氣量，只有兩個汽缸，幸好 VN1700擁有電子油門，以電腦運算去控制供油量，引擎反應亦因而較順滑流暢，兼且能夠慳油。

■ VN1700配備了全電子油門，由電腦操作控制，非常先進。

■踏腳位的擾流入風位可自由調校開關。

■尾箱可放兩頂大頭佛。

■兩側亦有巨型行李箱。

■先進音響可配 iPod。

a.左邊為音響控制。

輕鬆嘆住揸車身部份全面輕量化。引擎與變速箱集中式嘅設計，車架用鑄鐵及高剛性鋼管結合而成，尺碼變小之餘重量也減輕不少。此外三角台、引擎支架、側駐車架同樣輕量化，多重配合，令車身比VN1600運動版還要輕。「緊湊」係 VN1700嘅特色，軸距1,665mm，與一般哈利及其他日系對手相比要短得多。此外坐墊同車把、腳踏距離都縮短，更有利慢速行駛嘅操駕，坐姿更高機動性。享受方面，屬於標準裝備嘅豪華音響系統可接駁 iPod。其餘嘅豪華配備還有數位儀錶同旅行電腦顯示、豪華後座、大型車尾LED輔助煞車燈、可調氣壓後懸掛等。尾箱容量高達 50公升。而側箱每個容量係 38公升，真係帶齊所有 BBQ用具去郊遊都得。
放大圖片

b.中央錶板除車速、轉速、水溫、油量四大儀錶外，還有音響部份的豪華 LCD顯示。
放大圖片

c.右邊則是定速系統。

規格放大圖片

引擎： 1,700cc四衝水冷 V2 SOHC馬力： 79hp/4,500rpm扭力： 15kgm/2,250rpm傳動：六前速售價：$180,000查詢：泰力摩托車中心（ 2512 2228）

歡迎光臨公仔箱論壇 (http://www3.tvboxnow.com/)