公仔箱論壇 - Powered by Discuz! Board

標題: 17匹 Fiat 500推好過撻 [打印本頁]

作者: nt1972 時間: 2009-8-30 08:01 AM 標題: 17匹 Fiat 500推好過撻

愛，有人用盡方法計算價值，但同時亦會有人不問回報……在澳洲一見鍾情，縱使這部 69年 Fiat500無力無冷氣，落雨又怕篷頂漏水，壞車又驚零件難搵，都不惜花費十多萬元帶回香港。愛得執迷的車主沒現身，望着車尾只有17ps的細小引擎，負責駕車的司機先生中肯地說：「應該辛苦過揸電單車。」

愛得執迷老爺車有前後排坐位，但行車證登記坐位只有兩個，司機李先生說：「我最多試過踩到40km/h，一個人，我諗載住四個人應該唔識郁。」撻車要靠風Choke，拍照時，我要求李先生幫手開前兩個車位，他打開車門，不是坐上車，而係推！「係呀，推仲快過撻車踩油，呢部車好輕，Model小姐都推得郁。」 ModelJoanne用力一推，果然推得郁：「嘩，真係易推過約我嗰班狂風浪蝶！」筆者不懂反應，惟有乾笑兩聲。手動篷頂遇着大雨隨時漏水，手絞窗、無冷氣、無音響、機械軚、4前速波箱，車廂簡單至極。李先生繼續補充：「車主喺澳洲見到部車，係一個玩車嘅外國人擁有，保養得好好，全車都係原裝，最難得係四條胎軨都係原裝12吋軨，而且泵把好硬淨，真係成�工字鐵。」論 Classic，新推出的復刻 Fiat 500行埋一邊；論力氣，這部 69年 Fiat500直情要泊埋一邊。「高速公路唔好諗喇，遇到斜路都要捱上去。」向上爬，同時要考驗人和車的意志力。

■ Model Joanne一下子就將輕盈嘅老 Fiat推郁。

■車尾嘅長方 Fiat 500標誌，復刻版身上再搵唔到。

■車頭 Fiat標誌，有復刻版沒有的 Classic感。

■車頭冚內係油缸，入油位同士啤胎。

■軚盤好靚，因為係機械軚，所以圓周大，力學原理。

全港僅兩部可行街現時在香港，新復刻版 Fiat 500叫價十多萬，有錢就買到，幾受港女歡迎，藝人廖碧兒亦是Fans。而這部老牌 500，身價亦係十多萬，但可以合法行街的應該只得兩部。極罕全因香港人愛跟大隊，你愛甲蟲我又愛，你儲Mini我又儲，所以香港的古董車，大部份都屬熱門大路品牌。這部剛到港幾個月的老爺 Fiat 500是第二部，亦可能係最後一部。 Fiat500在 1957年初現車壇，二次大戰後，那個年代駕車追求慳油實用，所以 Volkswagen Beetle、 MiniCooper都極受歡迎。而同時， Fiat亦推出全新 500車系，採用 499c.c.直二引擎，馬力只有 17ps。而該 500車系於1975年正式停產，由全新 126車系取代。在上年， Fiat車廠才推出全新復刻版本。