公仔箱論壇 - Powered by Discuz! Board

標題: 潮銅艾粒 [打印本頁]

作者: nt1972 時間: 2009-12-29 02:03 PM 標題: 潮銅艾粒

容許我用「前騎呢組合」嚟形容 I Love You Boyz，事關艾粒在聖誕前最後一次合作演舞台劇過後就會拆夥，少爺占同Donald將成獨立個體，各有各發展，不過兩子始終合作多年，品味 Taste上或多或少都有些少相同。今日，兩人索性收起騎呢，一同以身示範型衫潮Look，戴起一系列銅飾做潮童，過吓型人癮。銅飾你又「笠」唔「笠」呢？

港牌黃銅出品

全新港牌 IMPERIAL，不賣大路衫褲鞋襪，反走向偏門鑽研做首飾。IMPERIAL中文解作帝國，其出品首飾予人感覺高貴獨特，品牌宗旨是運用生產高貴金屬首飾的技術配合特別的設計，做出優質首飾產品。其實打正旗號做飾物也不算新鮮事，趁年尾檔期才推出首輪系列，IMPERIAL憑甚麼彈起呢？負責人說是要憑實力兼噱頭吸引人喎！首先實力是頭炮黃銅系列，當中用上精心切割及扭曲等技術，做出感覺簡單且耐看的飾物，而且產品在最後均會將顏色及透明保護層電鍍於飾物上，以確保電鍍顏色及加強產品的耐用性。另外噱頭呢，就是搵來阿占同 Donald做人肉Model力撐一番，那究竟戴起IMPERIAL飾物，艾粒兩子覺得點呢？「好靚好鍾意呀！尤其這些飾物設計很特別，最適合襯我們平日至愛穿的簡約服飾。」On占：銀色壓花結他Pick吊墜頸鏈$540、金色及銀色手鈪各$580On Donald：銅色壓花結他 Pick吊墜頸鏈$540

化學首飾不化學

■黑色玻璃珠十字架吊墜頸鏈$680（當手鏈戴）、玫瑰金手鈪 $520及金色戒指吊墜頸鏈$580

IMPERIAL產品頭炮系列以黃銅製造，當中大部份產品印有「 Cu29+Zn30」字樣，恕我知識淺，究竟這堆密碼又是何解呢？根據品牌幕後主腦解釋，首先Cu是紅銅的化學代號， 29則是紅銅的化學序號；同樣地， Zn是鋅的化學代號，而 30則是鋅的化學序號，兩者混合便可組成黃銅，因此Cu29+Zn30即黃銅成份，亦是製造 IMPERIAL一系列飾物的主要物料，聽落很深奧，其實只要你喜歡，肯畀錢買，一切都變得很簡單。

Check Points