公仔箱論壇 - Powered by Discuz! Board

標題: [寵物資訊] 狗狗有趣知識 Part 3 [打印本頁]

作者: 咖啡愛奶茶 時間: 2010-4-27 11:54 PM 標題: 狗狗有趣知識 Part 3

狗狗有趣知識 Part 3
-----------------------------------------------------------------------------------------------------------------------
狗狗可困在籠內多久？
狗狗需要日光浴嗎？為甚麼？
一般幼犬是在第幾個月換牙？換牙期要留意甚麼？
世界上最長壽的狗活到幾歲？
要狗狗有家教，基本訓練第一課應是訓練甚麼？
狗狗最喜歡的肉類？
狗狗為甚麼會吃草？
狗狗會生頭皮屑嗎？為甚麼？
在世界上，未滿十八個月大的狗狗最常見死亡原因是甚麼？為甚麼？
狗女起水時可以為她進行絕育手術嗎？
-----------------------------------------------------------------------------------------------------------------------
狗狗可困在籠內多久？
　
一般黎講，狗籠是要令狗狗感覺安全同舒適的休息地方，通過狗籠訓練（CrateTraining），幼犬可困三小時，成犬六小時便要放他們出來嬉戲，如果大家的工作不容許午飯時間回家看看狗兒，我提議大家可以圍欄或一個小房間給他，如廁所或廚房，當然不能讓他們觸到有害物品或有機作反，東西必定要收好或掛得高高！
狗狗需要日光浴嗎？為甚麼？
　
狗狗需要適量的日光浴，由其是一些天生抵抗能力較差及年長的狗狗。陽光能殺死黴菌，而年長狗狗鼻子顏色變淺，陽光可令這變化減慢。但大家留意狗狗不能長期暴曬，由其是白毛狗，短短的日光浴便足夠，而一些無毛狗，如冠毛犬更要特別小心！
一般幼犬是在第幾個月換牙？換牙期要留意甚麼？
一般幼犬是在第四個月至第六月大時開始換牙，視乎不同品種而定。換牙期記得給他們可咬的玩具，因這時他的牙肉會漲痛、牙癢。一些狗兒更會有發燒、下痢、無胃口等現像。
世界上最長壽的狗活到幾歲？
(但願所有的狗狗一樣長壽健康)
據健力士世界記錄大全的資料，最長壽的狗Bluey是澳洲牧羊犬，於一九三九年去世。當他二十九歲零五個月時，因雙目失明及身體機能嚴重退化，主人無奈地贊成醫生的決定處以安樂死。
要狗狗有家教，基本訓練第一課應是訓練甚麼？
最基本的第一課係要令狗狗主人對狗狗有正確的觀念，內容大致如之前post過的「如果您要帶我番屋企」。狗主要有正確觀念，然後才買狗或領養狗，唔好為狗狗一Do係人立場去諗為唔正確o既野而把一切責任歸於狗狗，因而放棄他們，這是極不公平的！如聽過某人因遷居而唔要一隻八歲o既狗狗，為甚麼？
講番D開心野，第二堂當然係帶狗狗番屋企，為佢取名，教佢 Yes同 No，跟住先係 Sit ， Down ， Heel ， Stay 呢 D 動作。
狗狗最喜歡的肉類？
據統計，狗狗最鐘意係牛肉味，但係各位記得問過醫生先好俾邊隻糧佢地食，有時鐘意食唔代表適合食，由其係一D對食物容易敏感o既狗狗。
狗狗為甚麼會吃草？
狗狗食草有以下幾個原因：
1. 便秘，需要多吃植物纖維幫助排便
2. 食野太快，陽胃脹氣，刺激排氣
3. 食物腐壞，幫助嘔吐
4. 缺乏某種維他命
5. 貪玩
大家請為狗狗留意狗狗吃的草有沒有殺蟲水，如有可能有，就千萬不要讓他吃！
新一代的狗狗大多是貪玩才吃草的，不像上一代的狗狗，他們真是以吃草為自己治病！
狗狗會生頭皮屑嗎？為甚麼？
狗狗有皮屑，如是季節性的，問題不大。但如長期性的，主要有以下原因：
1. 狗狗吸收不夠脂肪，皮膚容易乾燥
2. 缺乏運動，空氣不夠流通
3. 有皮膚病或體外寄生蟲
4. 沖涼水過度刺激，太密洗澡
5. 吃了過份刺激的食物，如太咸、甜、太辛辣等。
6. 曲架比較普遍的問題皮膚病，即皮脂漏。
在世界上，未滿十八個月大的狗狗最常見死亡原因是甚麼？為甚麼？
　
最多的死因是安樂死，所謂o既人道毀滅，你地可以留意下，嗰啲流浪狗同佢地嘅 BB大多係咁o既下場，一些被人誤以為性格有問題的也是就咁就去左，一些則是因住屋問題而狗狗亦就此要去送死。呢個答案可能令大家好唔開心，但請正視呢個問題，唔好隨便養狗狗，要考慮清楚，養就要養佢一世，要負責任，佢地係冇得選擇自己o既主人，但係大家就可以選擇給佢一個甚麼樣的家.......
狗女起水時可以為她進行絕育手術嗎？
起水時是可以做手術，但手術過程較長時間，流血較多。如果可以的話，最好是起水前後兩個月做手術。原因是起水期時，絕育手術需較長時間止血，風險也較大,價錢亦會較正常收貴幾百元，如迫不得已，如替流浪狗做手術，找一位經驗較豐富的醫生做較安全，情況同狗狗終止懷孕手術類似！

作者: ntc123321 時間: 2010-4-28 04:30 PM

thanks for sharing!

歡迎光臨公仔箱論壇 (http://www3.tvboxnow.com/)