公仔箱論壇 - Powered by Discuz! Board

標題: 德國實試混能保時捷靜雞雞慳錢 [打印本頁]

作者: nt1972 時間: 2010-5-12 06:45 AM 標題: 德國實試混能保時捷靜雞雞慳錢

Porsche一直最能俘虜我心，今次親到德國 Cayenne生產大本營 Leipzig（萊比錫），一口氣試盡 Cayenne車系，嶄新車形設計耳目一新，最興奮的，當然是可以率先感受 Porsche首款混能車 Cayenne S Hybrid，撻車、行車同樣寧靜，油電混合當然亦同你慳唔少錢。

580Nm強大扭力
Cayenne車系自 2002年面世後，終於來個大變身。望見新一代 Cayenne， Panamera的感覺不期然浮現出來；如鯊魚頭的車首設計、剛強的車身骨線，套上 Cayenne身上，豪氣之餘更凸顯其勇猛形象。至於中控台設計，亦明顯以 Panamera為基礎。當然新 Cayenne的真正實力，才是車迷最關心的。保時捷首輛混能車款 Cayenne S Hybrid，採用 Paralle Full Hybrid設計，利用 333匹的 3.0公升 V6機械增壓引擎，以及一組 47匹電動摩打，合共 380匹馬力， 0至 100km/h只需 6.5秒。由於電馬達由起步已提供強大扭力，故此早在 1,000rpm時，全車已經能釋出 580Nm扭力，與一般高轉數才能提高扭力峯值有所不同。最高時速達 242公里，即使引擎無發動而以純電力模式行駛，時速亦可達 60公里。

■ Cayenne較上代長 48mm更添流線型。

■連尾造型渾圓。

減廢氣低耗油
講明係混能車，有幾慳亦是重點， Cayenne S Hybrid是 Cayenne車系中，廢氣排放最低的一個型號，每公里的二氧化碳排放量只有 193克，每 100公里的耗油量更只需 8.2公升。而且在巡航模式、時速 156公里以下，引擎會按實際情況切斷運作，藉此減低耗油量。資料固然重要，實戰先至係精華所在， Cayenne S Hybrid的試車活動安排喺 Leipzig市內進行，雖然未至放喪跑無限速公路測試極限，但踏入車廂、撻車的一剎，已感受到混能的優點——無聲的引擎，寧靜的氣氛，襯晒 Leipzig充滿歐陸古舊嘅風味。先試純電模式，動力充沛，甚至有一股蓄勢待發的膨脹感。不過最令人雀躍的，是 Start/Stop功能，停燈位踩 Brake後，引擎會自動關閉，減低耗油之餘，廢氣排放都少好多。今日講住咁多先，稍後再同大家講下狠劈 Cayenne S、 Cayenne Turbo的情況。