myalligator

今場波罕有地見到阿仙奴硬淨的防守，眾球員都拼得好盡，差唔多每次傳球失誤就立刻有幾名阿仙奴球員回身攔截、圍堵，中場個勢幾強下，真係要多謝雲加唔上藍斯，比拿勇、亞狄達、魯錫斯基、桑治唔單止防守賣力，重經常帶波前插突圍，扯開熱刺d 防守創造傳球空間、制造混亂，豐富左傳球路線的選擇，變相禾確特、沙格拿等落底邊唔駛成日1對2，增強傳中的質素同威脅。
再次多謝雲加，上比拿勇係好正確的，雖然佢無其它中場球員係進攻方面噤多貢獻，傳球亦有唔少失誤，但個人覺得只係默契問題，如果比多d機會佢，應該對阿仙奴d中場控制方面有幫助。
另外，要贊華美倫同哥斯尼d防守，特別係高波，平時見佢地都會比人壓住離頂波，今場就反客為主，下下頂著沙夏、艾迪巴約，搞到佢地兩個都無啖好食。
尼場北倫敦derby，成隊阿仙奴球員d士氣都重keep得幾好，特別係比熱刺入左2-0之後，防守同進攻的決心好足夠，取勝的欲望好強烈，尼種情況真係好耐無見，當然啦係完上平場前追平實在太重要，亦係賽果的轉捩點。
希望下一輪對利物浦、紐卡素keep住尼道殺氣全取3分！