＊柳飄飄＊

Thx 撻撻, 不過我都發現咗喇, 個post edit咗n次!
可惜依然係冇乜人留言

＊柳飄飄＊

個死人狐狸精一聽到人哋話離咗婚就咁開心, 即刻笑都笑唔切扮唔識俾反應dead air, 搶人老公睇吓幾時有報應吖, 仲成日喺度扮可憐, 扮委屈!

＊柳飄飄＊

正所謂: 修身齊家, 治國平天下
卓一元掛住沉溺於溫柔鄉, 完全失去理智, 權衡輕重都唔識,  試問點可以旨意一個連老婆仔女家庭都悍衛唔到, 又冇誠信嘅人, 管理一間銀行呀! 眾叛親離, ceo都冇得佢做, 職位職務咩都俾人罷免哂, 就嚟成間萬基都俾人呃埋都未知咩事!

＊柳飄飄＊

犀利, 一個出哂名嘅大滾友扮哂情深都真係可以做得咁神似, 果真係好演技!
可惜一心根本一直未能真正放低yatming, 無法完全投入與topman嘅一段感情, 以topman一個咁嘅男人, 肯安定落嚟專心一致又不計較咁付出, 義無反顧咁愛佢, 去邊度搵...冇腳雀仔肯對妳咁專一痴心...
唉...冤孽呀!
yatming對一心嘅愛縱使係認真, 但如果俾佢知道佢仲係一個老千, 做咁大台戲呃哂佢成個卓家嘅人, 仲點發展感情落去...亦難為了亞yan, 以為自己好幸福...默默暗戀yan嘅沙煲仔仲慘...

＊柳飄飄＊

飄飄, 呢個世界商場如戰場, 人生如戲, 慢慢有機會你就會知道架la
小飛機 發表於 24-11-2009 21:57

可惜你哋講緊嘅, 唔似係商場嘅公事, 只係令我諗起一句說話...就係天下烏鴉一樣........
仲好失望! 枉我仲咁關心, 同擔心唔知發生咗咩事......原來又係呢啲嘢!

＊柳飄飄＊

廿六集以嚟, mu媽呢次脾氣發得最啱, 打得好! 當冇生過卓一元呢個仔好過!

＊柳飄飄＊

死喇開始穿煲, 祝sir知道咗一鳴係假扮, 如果俾一鳴知道已經俾祝sir識穿佢係老千呃萬基同卓家, 唔知會唔會殺人滅口tim o架, 佢坐到今日呢個位同可以擁有咁多嘢同權都係祝sir當初最大力推佢上去, 咁搞法佢咪實同佢老婆同一日死忌!
乜真係開口中!
唔做編劇真係嘥哂...

＊柳飄飄＊

棋棋~
好耐冇見!

＊柳飄飄＊

都無見過
Keevin 發表於 24-11-2009 22:31

咁又係
呢啲見唔同嗰啲見呀...講緊響呢樹嘛人哋...忙咩呀?

＊柳飄飄＊

飄飄＊你應該去電視台揾份工
榴槤蛋撻 發表於 24-11-2009 22:37

撻兄~此番話係咪揶揄緊我?

＊柳飄飄＊

到呢刻都接受唔到呢個事實同現實, 大閆生就咁離開我哋, 平時每晚睇電視都見到佢, 而家話走就走咗, 回顧佢嘅片段, 的確睇到人心好酸, 落淚!
烈哥~永遠懷念您!
希望大閆生早登極樂, 保佑畢打繼續好睇, 唔會爛尾! 劇情仲有好多疑團, 大閆生條線仲有好多嘢要交代

＊柳飄飄＊

若果大家見到官網嘅討論區留言, 就會意會到同感受到網民, 同埋一直支持畢打嘅觀眾嗰份傷感, 大家對畢打往後劇情嘅關注, 冇大閆生嘅畢打會點算...就會發覺呢個角色...畢打或者同事三分親感染到幾多人...無數個晚上八點正都陪住好多家庭開飯, 就似一個老朋友, 突然走咗, 唔只係我呢種電視精, 仲有好多人比我更傷感, 更唔捨得, 更接受唔到呢個現實同事實, 一切都嚟得太突然喇!
仲有好多關於佢嘅劇情未講完o架~~
淨係佢條線都可以大把集數可以寫!

＊柳飄飄＊

估唔到飄飄＊你真係性情中人
榴槤蛋撻 發表於 24-11-2009 23:59

我一向都係

＊柳飄飄＊

人真係化學, 睇台慶先見到佢生生猛猛唱歌同石修佢哋扮彈結他夾band
雖然明知佢走咗, 但聽晚又會睇電視見到佢, 真係百般滋味在心頭!

＊柳飄飄＊

飄飄＊見唔到你留言比閆生..你果名係乜
榴槤蛋撻 發表於 25-11-2009 00:39

send咗成九個字都send唔出, show唔到我段留言, 唔知點解load唔到出嚟
奇怪, 回完你呢個msg, 再返去官網, 竟然一click就send到又load到, 多謝大閆生保佑!