聯賽食蛋歐聯發憤
利物浦要坃滿「芬」
文： 黃興桂 12/09/2006
歐聯分組賽開鑼，今屆賽事Peter都會陪住大家，除作即場電視評述，効《東方波經》亦會同各位分享心得，今晚其中一場重頭戲C組燕豪芬主場對利物浦，「紅軍」剛在默西塞德郡打慘吞愛華頓三蛋，今晚能否挽回面子？Peter認為冇問題！（now 684周三凌晨2時45分直播）
歐聯係最百花齊放簕賽事，各地聯賽最多只係廿幾隊，歐聯淨計分組賽就有卅二隊，呢項賽事亦佔Peter睇波時間九十個巴仙，每個歐聯比賽日，做一場直播及一場錄播，周末再做埋全部十六場簕精華版，各地聯賽球隊睇通睇透，了解愈多，對評論賽事及投注都有用，希望幫到大家。
C組燕豪芬對利物浦開出平手盤，利物浦抵玩！上場「紅軍」不敵愛華頓，所有球員一隻眼望住愛華頓，另一隻眼已經望住歐聯，咁樣「射喱眼」有乜可能唔輸？上仗被收起簕比拿美，預計會於今仗上陣，加歷查本身有傷，導致上仗解圍漏踢，今場可改用丹尼爾艾格，門將連拿「蝦碌」再現，相信領隊賓尼迪斯都會再畀機會佢，連拿要醒醒定定。
燕豪芬改由朗奴高文執桝都唔錯，可惜該隊太多好球員離開，人腳質素同兵源調動都唔及「紅軍」，成為今仗勝負分野。
華倫平手盤贏得
今晚仲有一場平手盤，D組華倫西亞近期信心回復，亦有歐聯經驗，奧林比亞高斯仍要倚賴門將尼高普尼迪斯、中場李華度等老將，前景不容樂觀，華倫贏得。
上周六英超當阿仙奴落後一球，Peter吼準高賠率簕和波落注「即場投注」，收穫不俗。球迷在觀看歐聯直播時，如見到較強一方落後，和局值得一試。 |
發表於 2006-9-12 12:27 PM
| 