k23bb

上海（Shanghai），簡稱滬，又叫做申，係中華人民共和國嘅一個城市，係四個直轄市之一。佢坐落喺中國東部長江三角洲，面臨東中國海，喺長江入海口南岸。行政上叫上海市。目前係中國發展最快嘅城市，重係經濟最發達嘅城市之一，亦都係中國嘅商業同金融中心。上海港係世界最大嘅港口，亦係世界僅次於新加坡同香港嘅世界第三大貨櫃港，2005年全年吞吐量係1808萬標準貨櫃。2010年，世界博覽會將會喺上海舉行。