好老實講,唔講藝員,依家好多歌手都唔係唱歌既材料,唱歌又冇技術.....我依家逐個評論
第一佘詩曼：唱歌好似湯雞咁,完全唔掂,佢果首火舞中的戀人咁低key都唱成咁,高音果D不敢想像.
第二鄧麗欣：完全唔掂,唱歌一D技術都冇,好似佢唱果首let it flow漏晒風咁,好似D老人家冇牙唱歌咁,係聽返改良左係TVB劇集愛情全保果度先好少少,不過都係好難聽.
第三吳雨霏：雖然佢唔係咁靚同埋好黑,但佢唱歌真係幾好聽,有技術,大家留意佢同Stephy合唱既偏愛就會知道,佢唱得好過Stephy好多好多,都唔明點解佢地會一齊合唱?影衰晒.
第四胡杏兒：初頭以為佢剩係識得拍戲唱歌麻麻,一聽完佢果首幸而之後覺得佢唱歌超好聽,仲好聽過當今既所謂歌手,我諗胡杏兒入唱歌界既話其他歌手真係行埋一邊,Lee首歌既旋律o岩佢,同埋Lee首歌都好高難度,一個字：好.
第五陳敏之：講真佢又唔係好特別,佢唱歌都係麻麻地,又唔叫好聽又唔叫難聽,聽聞佢跟一個師父學緊唱歌,但點解都唱成咁既?希望有代改進啦.
第六鍾嘉欣：Lee個直頭唔掂呀,唱歌分段咁,人地明明唱晒一句先至抖下氣休息下,點知佢唱(讓愛戀隨...........心細味),明明人地係成句,點知比佢搞到好似分段咁,佢估搭巴士咩?仲有一句(令我堅守也全是你),佢個死人80年代既手勢,梅艷芳返生都唔做啦,佢應該檢討下.
第七廖碧兒：佢就幾掂,因為佢又識唱歌跳舞同跆拳道,佢唱果首歌都有D難度,又可以高音又可以低音把聲又特別,都ok.
第八楊秀惠：Lee個真要好好評論下,佢講野已經唔正啦,人地個個都有solo佢又冇,係拾吳卓義果首都算啦,唱歌又唔好聽(係超難聽),仲要係中段唱(別怪她別怪她)果度既時候將個頭扯過去,嘩.......真係勁難頂呀,頂佢唔順呀,佢唱緊歌果時佢D fans不停尖叫佢,佢就以為自己有好多fans,佢真係比D fans害死啦.
第九楊千嬅：Lee個又係要評論下,如果唔係真係個個都以為佢係大明星,其實人地安排佢唱最頭同埋最尾係有原因既,9個之中論年資佢最耐,所以個個都當佢阿姐咁睇,我份人好公平既,我唔理佢出道幾耐,早知做得歌手一定要唱歌好聽,楊千嬅雖然出道耐,但係佢唱歌一D都唔好聽,不過又唔係話超難聽果隻,係冇技術o者,我聽佢唱女人唔易做主題曲一D都唔掂囉,得個勢有鬼用,行出黎唱走走跳跳得個勢唱歌又冇技術,都唔明D白痴歌迷點解可以當佢神咁拜,大把人唱歌好聽過佢啦,所以Lee個都係唔掂.
所以我覺得女兒紅裡面最好聽既
第一：胡杏兒(仲好聽過D現今既所謂垃圾歌手)
第二：廖碧兒同吳雨霏(因為兩個都差唔多咁好聽,所以都好難揀,兩個都有技術,不過唔夠胡杏兒勁)
其他果六個：(全部超難聽,仲衰過當日只係去做嘉賓既側田同方力申好多好多,希望佢地檢討下)
p.s：我覺得現今好多歌手藝員都去學唱歌,不過我覺得把聲難聽,點學都冇用,咪晒心機啦
以上只係我個人意見,本來唔想出Lee個post,但真係見到D fans瘋狂咁當佢神咁拜忍冇可忍之下想比大家討論下,希望會有個知音人同我一樣同埋希望大家比多D意見批評下(現今所謂既歌手). |
發表於 2006-7-21 08:52 PM
| 
發表於 2006-7-23 12:10 AM
| 
