麥加天神揚威楠索普錦標

02754566

前日喺英國約克馬場舉行嘅1000米一級賽楠索普錦標，吸引唔少歐洲短途快馬參戰，例如今年杜拜阿喬斯短途錦標冠軍「獨掌全權」、聖喬治錦標得主「麥加天神」，以及今仗被捧成大熱門嘅瑪麗皇后錦標盟主「阿卡普城」。

結果呢場一級賽由莫禮年胯下嘅「麥加天神」，以兩馬位之先擊敗「阿卡普城」奪冠，亦是呢匹四歲馬首嘗一級賽滋味。至於由伊特寶訓練嘅Mattmu跑入一席第三，「獨掌全權」屈居殿軍。