從前從前有三隻烏龜，分別係黑烏龜‧紅烏龜同藍烏龜....佢地係好朋友黎架。
因為佢地走得好慢，所以幾乎冇去過咩地方；但佢地決定要係有生之年去睇下 山上ｄ景色。
於是佢地三隻烏龜就各自帶左一碗杯面，佢地用左十年時間，終於爬到山頂．．．．
Ｂｕｔ．．．．悲慘既事發生ｌａ．．．佢地竟然唔記得帶熱水喎
冇左熱騰騰既杯面．．係唔係好掃興啊？
ｅ個時候．．啊黑烏龜就好勇敢站出黎就話：「我返屋企拎！」
紅烏龜同藍烏龜就話：「唔好啦！好遠架～！」
黑烏龜就話：「為左我地既友誼．．．我願意！！」
紅烏龜同藍烏龜就話：「黑兄．．你實在太有義氣啦．．我地一定會等你返黎先食杯面架！」
於是黑烏龜出左發啦～
十年．．二十年．．三十年過去啦．．但係黑烏龜冇返黎．．．．
於是藍烏龜同紅烏龜講：「我地都等左三十年囉，但係黑兄都冇返黎，不如我地食先好冇？？」
紅烏龜就答：「唔得！我地講好左要一齊食架，你點可以背叛黑兄呢？」
藍烏龜就好羞愧咁講：「係我唔對．．．咁我地繼續等啦！」
又過左二十年．．但係黑烏龜都冇返黎。佢地終於忍唔住啦．．
藍烏龜就講：「我頂唔順啦．．死黑兄．．佢自己一定係屋企食完就懶得返黎，我要食先啊！」
紅烏龜又講：「我睇錯左佢啦．．我都要食！！」
就當佢地掀開杯蓋個時．．．．．．
黑烏龜就係樹走出黎，就好嬲咁講：「又話好朋友，我就知道你地兩個會背叛我，我係ｅ度等左五十年啦！」 |
發表於 2007-7-25 11:23 AM
| 
發表於 2007-7-25 02:02 PM
| 
谢谢分享
