帶寶來韋達交功課

昨朝睇見「心好事成」由楊明綸過檔，以為莫雷拉未返關係，點知排位後，真係唔騎改策「黃金宅男」，跌晒眼鏡！同日出試的「金匯龍華」則由楊明綸換莫雷拉，跑完復操跳第一課，已由雷神接手，最後肯騎；撇開配搭，對「心好事成」及「金匯龍華」狀態都夠信心，不會有動搖。

此外，亦千萬不要低估第三場「知道勝」，狀態一早到晒位，上次輸在直路塞死，沈集成繼續畀機會郭能，昨朝草地跳來不急不躁，繼續地變好，乖咗好多！ 1 1 檔則要度一度有冇得博。

大家睇見排位，莫雷拉多惡馬到咁，唔嫌熱都買無異議，目前局面，搞到潘頓、韋達都好似變咗二線，啄到一場已經算唔錯。

聽晚四班 1 2 0 0 米拆開兩組，第二場「帶寶來」上次第三，頭馬「有心人」也有報同晚賽事，拆組後被編跑第五場，好運過上次同場第二「勁駿皇駒」，唔使再同場對壘，上次轉倉日子咁短都差點贏，今次大有機會幫韋達啄到頭馬。