[瞬間看地球] 今日令我有好深刻感受

nicko000

我唔知道應唔應該係度開呢個POST, 但或多或少都係同動物有關連. 純粹想講出黎舒緩一下心情, 一

路打呢個POST, 心裡總是酸酸.

希望大家能夠見諒.
今日係我十幾年後再去海洋公園, 其中去左睇北極狐, 裡面係有兩隻應該係小朋友既毛孩, 見到佢地我心裡覺得唔好受, 第一係地方太細, 無法令佢地好好享受. 第二係人太嘈(特別係大陸旅客, 見到北極狐活動就係咁發癲起哄同開閃光燈狂影). 當時我個腦海浮現幾個問題: 其實我地人類係咪唔應該為左自私, 貪婪而令呢D毛孩做成不必要?! 若可以的話係咪可以比佢地自由自在生活?! 保育係好, 但依家情況比我自己覺得就係為吸引人流而可以用"虐待"兩個字去形容. 唉......
如果呢類較少見既野生動物將來有一日會絕種, 間接兇手其實就係人類.

依家香港政府又話要填海啦, 對海洋生態非常嚴重影響性, 其實我地政府做之前可唔可以"停一停,諗一諗". 我真係好唔想將來我老左或者下一代再見唔到咁美麗既大自然.

vandas

個人認為水族館/動物園這類型的建設並沒有絕對的錯或對, 但業界的管理者及遊人對待其他生物的態度則反映出人類的質素.

現今很多管理層皆以經濟利益為首要考慮, 而遊人付了門票之後往往也想爭取最多的回報, 因而將其他更應注意的事情拋緒腦後.

樓主在感慨嘆之餘也可以從自己做起, 時刻提醒身邊的親友們生命的可貴; 動物也有情感, 會因閃光燈而害怕; 會因燥音而驚恐, 牠們的生命價值不論有否高低之分也應被尊重.

nicko000

個人認為水族館/動物園這類型的建設並沒有絕對的錯或對, 但業界的管理者及遊人對待其他生物的態度則反映出人類的質素.

現今很多管理層皆以經濟利益為首要考慮, 而遊人付了門票之後往往也想爭取最多的回報, 因而將其 ...
vandas 發表於 2013-6-9 06:08

我完全認同你既講法, 但試問有幾多人可以做到咁樣...

hallowin

現實就是這樣,
海洋公園對待動物手法已經比其他國家好好多

alfredxp

對香港政府沒什麼期望, 之前的高鐵, 反對聲音極大, 都係一意估行.
只有破壞再建設....

vandas

我完全認同你既講法, 但試問有幾多人可以做到咁樣...
nicko000 發表於 2013-6-9 08:03 PM

這就是公民教育的重要, 公民教育不足; 人的道德標準及價值觀每況愈下便帶來種種問題.

gill2046

其實間間動物園都差不多。

siuwah

香港0既動物園對待動物比國外我唔知, 但比中國絕對好好多!!
動物園有冇必要, 我覺得有需要. 動物園絕對係一個長見識的好地方. 全世界咁大, 唔通下下要去到某種動物生活的地方先可以見到佢地真面目? 咁樣我地一世人可以見得到幾多種呢?
有d野並唔係話睇書/上網/睇電視就可以學到感受到, 就好似我細個去長隆咁樣, 見到成班非洲長頸鹿/斑馬向度跑過, 壯觀之餘, 原來佢地個身好臭(好蘇), 聞到佢地跑過陣風個人真係醒一醒. 呢個就係動物園的魅力所在, 第時如果我有小朋友, 我都會帶佢地去動物園學下d動物係咩樣, 而唔會剩係叫佢地睇書.
講返重點, 就好似其他ching所講, 最緊要係動物園(包括觀眾!!!) 真係要愛鍚d動物, 盡量做返d接近佢地棲息地方/環境比佢地居住, 唔好作過度騷擾, 咁已經足夠.