本人很不幸於2013年加入Kintetsu World Express (HK) Limited, “KWE” (近鐵), 有朋友知道我將入此公司都已經提我叫我小心d，D人好鍾意玩政治，但我都已經辭左工，無辨法。
點知，惡夢開始。。。
原來全公司沒有patitions，沒有私隱可言,連食野都要係檯底偷偷地咁食,係interview的時候沒有同我講過公司個環境係咁，真係人都顛！
如果打有關公司的in/outbound call 都要細細声講，因為話會嘈到人，有好幾次我d同事仲比人投诉, 但有d call唔可以細講架嘛，又係好奇怪！
呢間公司文化好騎尼，d 人做五年已經當自己係老臣子，仲恰D年青的新同事。佢地仲話希望我可以幫到佢地，始終我係係management位，佢地d所謂老臣子唔敢恰我，仲會有幾分忌我添！
我做左一個月多D，一直問日本人老闆(GM)我有咩可以做同job duty 係咩？點知佢講一個version, 另一個同grade同事（老臣子亞叔,仲有6年退休）講另外一個version，我老闆想我比多d input公司,但呢條亞叔知道老闆想我replace佢，好自然地人地梗係唔會過野比我喇，咁點做？亞叔不斷講公司老闆點點點，但自己又一直係度做，即是想嚇走我啫！
佢地既management好差，差到同一般公司好唔一樣，management之間鬥氣多過做野，所以好多問題永远解決唔到。日常做野係變左有好多問題。
福利方面：大假得7日, 全部grade都係,HR Manager哄我入黎做，話下年會改多的假期，會分Grade比假期，我諗就算我唔係最多果批，我都係中層以上，應該唔會太少，但我d同事同我講，公司係唔會比好多，頂多加多一日！！
仲有sick leave全年得7日,痴线! Sick leave 都有限？真係第一次聽。。。所以d同事有機會會先放sick leave。可以想像公司的士氣有幾差。
公司好似好大，但其實好多人係好無料，所以佢地唔願走。因為佢地係出面都好難搵工，同market起碼差幾個grade, e.g. 呢度supervisor但係出面係 clerk架咋！
後來我仲係probation内被無理解雇，同我講話有睇我地d emails同skype. 即係話：所有人的對話都有監測，都唔緊要，因為好多公司都有，無咩大不了，只係我可以好肯定的係，一般大公司，唔係爆大單野，佢地根本唔係咁得閒同你日日係度睇你地emails同skype，即是話佢地d人唔係做野,好恐怖！後來我諗返我係emails同skype都無咩唔見得光的野講，唯一對公司有影響的係，d同事爆左公司的野比我聽，同埋講左d老闆的無能同其他野。。。其實咁都已經知道唔做得耐，老闆乜都幫唔到，剩係口up up當秘笈。
之後我去私隱專員公署作出查詢，佢地話要佢地以書面作出回覆一些問題，如果佢地唔合作先開file. 當然佢地係限定45日內咩都唔答，就可以開file. 咁佢地唔使一星期覆左，但咩都唔答，因此本人於八月中提出投訴, 私隱專員公署接受此投訴，經過一段時間，私隱專員公署話佢地回覆，佢地好賤，話無講過睇emails 同Skype呢part，剩係話我唔適合，所以不涉及同私隱的問題。人地無計，唯有closed file. 除非有証據或錄音。呢間公司真係好PK！如果好來好去，我一定唔會攪到搵私隱專員公署玩佢地，因為一開始我已經有心理準備私隱專員公署未必幫到，不過煩下佢地都好，條氣都順d.
當然勞工署都係一樣喇，因為佢地比左7日代通知金，勞工署都無野可以做，所以我係度話比有興趣入此公司的人自己好自為之,自求多福喇！ |
發表於 2014-6-9 03:02 PM
| 