4駒上名後換雷神 明目張膽要補中

02754566

馬季踏入倒數階段，只餘下十次賽事，當弗嘅馬都希望在唞暑前贏番場。唔講大家可能唔知，原來近三次賽事都有剛入位馬再出換莫雷拉接手贏馬，名單分別係「友歡笑」、「勁飛勁」及「至叻熊」，睇得出幕後都唔介意明目張膽搵個好騎師，但求穩穩陣陣贏馬交代。
禮拜日賽事又有四匹剛上名馬落入莫雷拉手中，包括「帝國之星」、「明目張膽」、「勁開心」及「公証揚鳴」，相信又會有頭馬見面，其中「明目張膽」以往兩次配莫雷拉均非冠即亞，另外，「勁開心」七次配莫雷拉跑泥地取得兩勝三位兩殿佳績，聽落真係買得安心又放心。