今日[雞之友]彈左隻收風馬比我,而自己嘅自刨馬就同隻[收風馬]同埸,呢鑊真惡攪.
先講隻收風馬,就係第五埸隻3號馬[好運贏家],但自己就覺得如果要我只賭一隻位置,一睇[杜利萊]條粉腸,邊敢賭大錢呀?做腳就冇所謂,但馬其實有九成幾狀態.
我今日賭隻[自刨馬],就係第五埸隻14號馬[年年開心],我賭位置吾賭明星馬或馬王級份子,最緊要係啱路程同專家,講動態,[年年開心]係何良馬房,何良同薛順強好少合作,因為大家係[華人],中文已經可以溝通,吾洗講[鬼話],以華撘華,加上[年年開心]今埸係實力馬,薛順強必然爭取表現.
[年年開心]泥地千六入Ｑ率高,有晒路程根據,上兩仗跑1200當預賽於操,無飛出嚟遊馬河,但見直路有追勢,何良看在眼裡,已經知道應該點做,今次報出泥地千六,係何良[有心]之選,呢次隻[年年開心]有狀態,練馬師又[有心],而且路有專長,集合多方有利條件,都仲有5倍幾6倍.值得一博.
呢埸係屬亂局,邊線馬有幾匹,所以[年年開心]先有咁嘅賠率,如果再要揀腳,第一隻要隻[收風馬][好運贏家],第二隻要[勇中寶],67分用白德民有十幾倍,响第3班跑番泥地千六係博您吾信,但隻馬上季仲贏緊泥地千八,今次雖然係三班千六泥地,但賠率係增加拼博嘅重要因素,[勇中寶]要拖一票,第四選要番隻[絕塵],上仗由頭帶到尾跑比您睇,告仔近期成棚馬有好有準備,吾會漏低呢隻[高價馬],博就一定,但升班作賽,換埋上次贏馬拍檔薛順強,變左用徐君禮,自己選馬通常上埸贏馬換人兼又係大熱門,我必定有戒心.[絕塵]只可作第四選.
波都有好料,跑完馬有時間先講,無時間就等後日再見.
今日位置重心馬:第五埸14號馬[年年開心]
我就每次賭1隻,不過講多幾隻比大家參考,志在分享吓,原本諗住講[馬故],但見第五埸亂局就講[正經]吾講[馬故]住,下次得閒再講吓馬會點攪[澳洲幫],韋達點從中得益! |
發表於 2007-10-21 03:38 AM
| 