不一定是吧
Chris乐 發表於 2013-2-18 07:53 PM 
無綫又穿崩民初劇《初五》有智能手機
真係不得不佩服高登仔嘅強勁摩擦力——連無綫一套唔係太多人睇嘅劇《初五啟市錄》，都有巴打睇，仲發現疑似穿崩位，並些牙同大家分享，真係太有才，亦太有愛了。
咁今次有咩穿崩位呢……其實未必穿崩0架，可能係廣告殖入都唔定﹕原來民國真係有smart phone，唔止《天梯》嘅牛屎叔叔(陳豪)袋中有部發光電話，《初五》嘅張國強，都袋住一部smart phone。
噚日一集嘅《初五》，係講陳錦鴻飾演嘅宋禮和，原來係市長老竇羅樂林個仔(冇錯，無綫連民初劇都玩搵仔父子相認橋)。因為市長中槍，傷勢未癒，故陳錦鴻做代市長，仲出馬救咗被控瞞稅嘅唐家大小姐唐雅媛郭羨妮，等佢唔使坐監咁慘。
呢場戲就係唐家拉晒大隊、去法庭聽審。張國強呢個冇鬼用嘅叔叔唐百年，都拖埋佢心愛嘅老婆寶寶(葉翠翠飾)聽判決。結果法官判郭羨妮只係罰錢了事———唐家呢班大帝做吓戲都要上前恭喜吓，張國強就做咗個紈袴子弟必做嘅動作——掀起外套、單手插袋，就係咁，露出佢衫袋中嘅手機；疑似手機鏡頭仲係向出面，唔通……劇中唐百年係受咗未來世界嘅人所托、用smart phone偷拍唐雅媛上庭受審一幕？ |
發表於 2013-2-16 04:44 PM
| 
