踏入2016年蔡約翰已贏12場，並由七位不同騎師建功，可見練者用人策略變得分散。其中，好拍檔莫雷拉只佔一場，反而田泰安卻佔三場，成為蔡廐的新晉殺手。今戰蔡約翰只出五駒，分別由四位騎師壓陣，當中尾場「精算博奕」配上田泰安遂可放心追捧。
第十一場三班1800米：幾匹前領馬配上華將，主宰賽事步速，估計步速會偏慢。「精算博奕」韁口相當靈活，天生脾性乖巧，跑法可放可留，適合香港賽事環境，路程適應亦極具彈性，情況好似由短途贏到長途的廐侶「東方快車」。
「精算博奕」在港初出跑1400米，只輸四分三馬位給當銳四歲馬「閃耀鑽皇」，翌仗跑同程順利補中，近兩仗增程跑1600米兼且孭133磅，依然能跑入三甲，表現實在出色，反映質素殊不簡單。今仗孭少19磅，對三歲馬發揮幫助大，升班兼增程亦冇有怕，穩食尾糊。
「紫電明珠」今季表現大熟大勇，前仗跑三班賽亦只輸四分三馬位得第三，五歲馬續有進步，狀態勇不可擋，上場走位老襯，轉場換人有變數，可施回馬槍。「金龍」今季四戰兩贏兩位，四歲「灌木叢」子嗣進度納入正軌，上場四升三亦跑第二，評分仲未見頂。「天長地久」大前仗跑同程放得有聲有色，最後百幾米才力弱，如今孭少12磅，狀態亦有進展，有權放入一席，可拖作冷腳 |
發表於 2016-2-10 01:19 AM
| 