風和日麗嘅冬日最適合登山郊遊，有英國之寶美譽嘅 Range Rover陪伴在側更係完美配搭。 2010年版本 5.0Supercharged全車豪華配備，更新增環迴鏡頭及盲點監察系統，車身四周都睇得一清二楚，走狹窄山路更有信心，攀山越野更盡情，仲唔越玩越Hot！
低排引擎唔大食
愛跟潮流買車嘅港人近排似乎都熱捧 SUV，沿石澳道入大浪灣，SUV車款出現嘅次數實在難以計清，難怪歐日品牌近年都齊齊力谷呢個市場。不過要數真正四驅王，有 61年經驗專產四驅車嘅 LandRover固然當之無愧，搶閘測試 2010年新車系列中嘅頂級版本 Range Rover 5.0 Supercharged，全新 5公升V8超級增壓引擎爆發嘅 510匹馬力，石澳道上斜都有本事下下推背。加埋重新調校嘅ZF六前速自動波箱，兩者合力造出敏捷暢順嘅行車表現，卻又有低排及慳油嘅效果。據廠方提供嘅平均耗油數據，一百公里只需14.9公升油，大家唔使再怕佢大食。最令我驚訝嘅係，即使喺彎多路急嘅石澳道， Range Rover入彎嘅突出表現，令我發現原來四驅可以咁易揸。
■上下雙開係四驅車尾門嘅傳統特色，有型又實用。
■品牌打造 Range Rover係唯一老闆級四驅嘅形象，後座極豪華寬敞。
■造型和頭燈呼應嘅尾燈，靚得似藝術品。
■車側風口以三間橫飾配蜂巢紋，別具特色。
環迴鏡頭逐個追
唔使落車都可以視察四周環境嘅環迴鏡頭可以話係今次最勁嘅賣點，所以香港代理都將呢項配備放落 Range Rover 5.0頂級版本嘅Standard List之上，而 Sport版就無，想 Option加都未必有貨。一個屏幕可一次過睇晒全車5個方位，更可將其中一或兩個畫面同時放大。鏡頭拍攝廣角度極闊，更有 Zoom功能，安全司機位，車身四周的情況都一目了然。究竟5個鏡頭收藏喺邊？一於逐個玩逐個捉。
a.屏幕左下顯示車左側的情況， Kinki瞓喺地下都夠闊睇晒。
b.鏡頭藏於車尾頂部，高角度視察，視野比車側鏡頭更清晰。
c.鏡頭其實藏喺左右側鏡下， Kinki靠近少少變大頭妹，好 Wide。
d.原來車頭位都有拍攝鏡頭，藏於車頭左右兩邊嘅 Bumper位。
e.車頭兩個鏡頭的位置頗低， Kinki仲要瞓晒地先可以入到鏡。
野性又豪華
■軚環配備按鈕多得誇張，但唔咁又點叫頂級？
近年有好多香港車主都會揀選一部可以中港兩邊走嘅座駕，新一代 Range Rover嘅地形反應系統有5種行車模式，仲有埋全新主動式懸掛系統幫手，車主更可自行調校車身懸掛高度，要應付任何情況惡劣嘅路面都綽綽有餘。此外，更有一系列全新高科技配備。有於側鏡亮燈提示盲點障礙物嘅監察系統、可以一個畫面環顧車身四周嘅環迴鏡頭、立體感十足嘅液晶體錶板等等，都叫人興奮。再有埋近乎完全隔音嘅車廂、可以控制多項高科技配備嘅軚環、靚到似藝術品嘅頭尾燈及霸氣外形。數之不盡嘅豪華配備，當然更有本事成為老細級中港車首選啦。
■新增盲點監察系統，只要車側盲點位有障礙物，側鏡角落會亮着橙色燈提示。
■上下雙開係四驅車尾門嘅傳統特色，有型又實用。
■中控台無咗桃木裝飾感覺更型。而新一代地形反應系統就配備 5種行車模式，應付唔同環境需要。
規格
引擎： 5,000cc V8 DOHC Supercharged
馬力： 510ps/6,000-6,500rpm
扭力：625Nm/2,500-5,500rpm
傳動： ZF六前速自動波連+/- 四驅
車價：$1,620,000
 |
發表於 2009-11-27 05:57 AM
| 
發表於 2009-11-28 07:14 PM
| 