港林飛魚磨刀霍霍

02754566

今季在谷草成績驕人的沈集成，近兩次於主場食白果，今期僅出馬三駒，加上在練馬師榜剛被呂健威搶去榜首位置，表面看有回落勢頭，然而今次兩匹初跑谷草馬第五場「港林飛魚」及尾場「放下自在」，上月18日均有安排渡江試閘仄準性能，而且走勢強勁，看來沈集成只不過施精兵制。
「港林飛魚」試1000米不敵子彈快馬「兵威振」獲亞無話可說，但姿態從容之餘，該組時間更較當日其他同程閘快一大截，上周二「港林飛魚」再多試田草1000米大閘磨利槍頭，誠意百分百。至於「放下自在」同日由莫雷拉出試1200米大閘，亦以按韁姿態大勝而回，前快後勁過往未見，上周四再彈草地細閘，獲晨操專家高度評價，加埋昨文提過的「財神」，今場可下注這兩駒單棍Q。
另邊廂，何良目前養馬僅32匹，今回出七駒算得上大軍壓境，其中頭場「醒少少」細馬一向少操，但上月中也安排試1700米谷閘，拉士考驗有反應，埋門四日內連跳兩課更屬空前積極，谷草長途屬合適路程，箭頭在此。