官方讚佢表現可喜

02754566

跑完今次賽事要到2016年至有馬跑，唔到你唔信，有某些騎練特別重視呢一日贏馬，正所謂好頭好尾，但對雷神就自然冇數計，事關贏馬已係佢例行公事！
現役騎師中，郭能於每季呢一戰算係最旺一位，前季中三元、上季起孖。周日郭能停賽復出，姑勿論是否刻意揀當日復出，但今次佢騎九駒不乏實力馬，最吸引人係有高回報。
第四場「無限欣賞」，抵港後所有大閘全由郭能包辦，上仗初出因停賽用楊明綸做替工，馬會賽後評用「初出表現可喜」形容，今次馬房打王牌配合郭能復出，應有不一樣的走勢！
第二場「火龍寶」今季轉鄭俊偉後有勝有位，仍留在五班跑好着數，近兩場雖輸但近，明顯在回氣中，上周末郭能更專程為操牠一駒而到場，鏡頭罕見，蓋「火龍寶」只是一匹五班而已。以此駒今季所贏的那場1600米賽績計，敗給牠的「天狼星」、「南華勇將」、「神電金剛」已全部補中，難怪受郭能重視！