2018年10月1日
港府與中電簽訂的新一份《管制計劃協議》於10月生效，電費即時加價2%，每度電淨電價將由115.4仙增加至117.7仙，由於地租及差餉特別回扣的退款預計於2018年底用盡，故明年起淨電費將會增至118.8仙，增幅達2.9%。雖然在《協議》下，中電的准許回報率由9.99%降至8%，但未來5年的電費將會每年加價，直到2023年的增幅將會較現在多20.7%。有現時正繳交$1,875電費的2人家庭，料10月起新一期帳單將會增加約30多元，在每年加電費的情況下，預計5年後每期需交電費約$2,236，增幅近2成。
記者 李雨夢
鄧肯（化名）正居住於2人家庭約240呎的公屋單位，今期帳單繳交費用為$1,822，扣除上期結轉$53，實際需交電費為$1,875。該單位用電度數為1,513，鄧肯指，現時家裡最消耗電量的電器為冷氣機、抽濕機及空氣清新機，以及長時間使用其餘電器，故用電量龐大，「咁高嘅用電量主要係因為呢半年養咗貓，同埋夏天又濕又熱，所以冷氣機會長開，可能每日超過20個鐘，空氣清新機因為養咗貓先買，每日開超過12個鐘，屋企無洗衣機，但因為手洗完要喺廁所晾乾啲衫，所以又會成日開抽濕機，仲有儲水式熱水爐都係長開，印象中已經3個月無熄過。另外都會成日喺屋企煮飯，電飯煲、微波爐、焗爐、電磁爐都常用，電腦因為工作需要，所以基本上都唔熄」。
鄧肯指，未養貓前每期繳交電費不超過1千元，「養咗貓之後嗰期帳單已經過1千，其實預咗，到過咗$1,500之後就覺得有啲貴，因為仲貴過我住公屋嘅租金，都會開始去諗點樣慳電」。對於環境局向立法會申請87億撥款向每戶發放3千元津貼，鄧肯表示幫助不大，「每個月50蚊，好似拉返勻咁，但呢啲係一次性津貼無乜幫助，反而我比較關心中電加電費個原則係咩」。
環團「350香港」聯絡主任古偉牧替這2人家庭計算未來5年的電費加幅，在用電度數不變的情況下，10月電費加價時下一期帳單為$1,909，即時增加34元，但在明年地租及差餉特別回扣每度1.1仙的退款用盡後，2019年須繳交約$1,926電費，增加約50元。在未來5年電費有增無減的情況下，料2023年每期須交$2,236電費，較現時增幅多近2成，每期多付約360元。然而，由於在新的《協議》下，燃料價將會按過去3個月的實際燃料平均價格，每月作出調整，意味每月交的燃料費都有可能不同。
古偉牧指，由10月起至明年年底，中電的基本電費將由現時每度電94.5仙減至91仙，但由於燃料價將由現時的每度電22仙增至27.8仙，故淨電價仍然會於10月時增至117.7仙，「所以呢2人家庭雖然嚟緊嘅基本電費可能減50蚊，但燃料價加80幾蚊，所以最後電費都係會加咗30幾蚊」。
鄧肯（化名）現時居於2人家庭的公屋單位，最近一期的電費單須繳$1,822，若用電量不變，預計5年後須繳約$2,236，增幅達2成。伍嘉亮攝
鄧肯（化名）表示，自半年前養貓後，由於須長開冷氣及空氣清新機，導致電費急升，現時電費已高於須付的公屋租金。伍嘉亮攝
由於常在家中煮食，故電磁爐、微波爐、焗爐等電器也經常用到。伍嘉亮攝
鄧肯（化名）最近一期繳交$1,822電費，用電量為1513度電。朱家駿攝
環團「350香港」聯絡主任古偉牧替這2人家庭計算未來5年的電費，10月加價後的電費應為$1,909，而在地租及差餉特別回扣明年用盡
後，2019年的電費為每期$1,926，較現時增加約50元。朱家駿攝
鄧肯（化名）家庭未來5年電費增長。《蘋果》製圖
未來5年電價預測。《蘋果》製圖 |
發表於 2018-10-1 06:00 AM
| 
