Volkswagen的慳油功力不只在汽油私家車發揮出來，搭配TDI柴油引擎的客貨車，同樣有極高的節油效能。早前在德國測試的新一代Caddy 1.6 TDI，平均油耗便可低至5.7L/100km。廠方指，輸港版本將會是Caddy Maxi，車長較Caddy增加了470mm，載物空間更大，更符合經濟效益。穩定性強本港大部分的貨Van都是來自日、韓兩國，歐洲車系少之又少，原因不是冇車好揀，而是來貨量太少，出現供不應求的情況。歐洲車向來都予人紮實、硬淨的感覺，開着Caddy在德國公路上以160km/h巡航，途中遇上強勁側風，但穩定性依然很強，駕駛感與MPV相若。外觀上，跟上代分別不大，但車頭卻承襲了新世代家族面譜，加上前、後泵把均噴上與車身相同的顏色，令商用味大減，當作客車去街遊車河一樣啱Feel！
250Nm扭力近年愈來愈多人鍾意揸自動波貨Van，貪佢夠方便、唔使「吊極力子」，喺窩打老道塞上獅隧都唔怕腳仔軟。Volkswagen著名的DSG雙離合器自動波箱，亦應用到全新Caddy上，而且是七前速版本。比起傳統的五、六前速波箱，可減低油耗以及換檔時的轉速落差，加速起來更加暢順。動力方面，Caddy搭載了一台102匹1.6公升TDI引擎，特點是低扭輸出強勁，於1,500rpm便可輸出250Nm的最大扭力，載滿上斜也毋須擔心乏力。
特多儲物格Caddy的內櫳到處都是儲物格，就連車頂、門邊以至地台底都預留了位置擺放雜物，實用性十分高。在德國測試的Caddy以五座位布局，後座可整排向前摺起來增加車尾載物量，惟本港出售的客貨車需要在客艙及貨艙間加裝分隔網。另一方面，Caddy及Caddy Maxi都採用了雙趟門設計，乘客上落較傳統客貨車方便得多。目前，廠方已將Halogen頭燈、後泊車感應列為標準配置，並預載了起步防溜後系統，車價僅為$229,055。
規格表
車 型：五門五座位輕型貨車
引 擎：TDI
容 積：1,598c.c.
最大馬力：102ps/4,400rpm
最大扭力：250Nm/1,500~2,500rpm
傳 動：七前速DSG
驅 動：前置引擎、前輪驅動
車身體積：4,406×1,794×1,822mm（Caddy）/4,876×1,794×1,831mm（Caddy Maxi）/（長×闊×高）
|
發表於 2011-10-29 06:14 AM
| 